Позначки


 http://watrazdynia.pl/
Чого мож ся сподівати на тогорічній 31 Лемківскій ватрі в Ждини

В тім році програмово хотіли би зме звернути ся до нашой культурной тотожности, до єй широкого значиня и уняття в артистичній інтелектуальній формі. Залежит нам, жеби люде, а найбарже молоди, били свідоми свойой культурной инчости, котра попри загальнопануючу попкультуру, є рівно гарда і барз атракцийна. Без почуття инчости, гордости з того што нам рідне, не мож будувати чи формувати свойой тотожности яко одиниці чи цілой групи. Наступном, тіж барз важном справом, є історія, тота складена з індивідуальной біографії та и груповой, котра чи того хцеме чи ні, формує наше почуття, наше становиско до справ зв’язаних з національним станом свідомости.

Ватра програмово
Буде зложена з ріжних чудних подій, акцій и музичних концертів, яки будеме оглядати на головній сцені. То даяки пропозиції.
З бабиной загороди

Ґаздівски інтеграцийни заняття: плетення кошиків, доїня корови, копліня сіна, різаня дров и, як шторока, приїхают до нас мазяре з Лося.
Вартат знати

В програмі літерацких спіткань и не лем будеме бесідувати о проф. Юрію Новосільским, проф. Богдані Осадчуку и о процесі формуваня ся національной тотожности в лемків, мовних справах лемківской говірки. Вечерами проєкції документальних фільмів.
Чуже хвалите, а свого не знате

Бесідую, раджу, гварю, ґадам, повідам – суспільна акція
Пам’ятаме

Похід, Сьвітло до неба – символічна акція пам’яти про наших предків
Маш бідо музику- наш талант шоу

То програмова пропозиція головной сцени, котра не разі ся формує. О тім хто заграє на Ватрі довідате ся за дакий недовгий час.

То є та єдина під небом Твоя земля
Приходте, приіжджайте

Advertisements