Про наше радийо
Выдумане през Теслю в 1900 році долго мусіло ждати аж прийме ся серед найбарже консерватывных Лемків. Давно — бо в уж в 1934 році — переконали ся до той інвенциі Русины на Пряшівскій Руси.
Оголошуєме капітуляцию: не будеме долше операти ся поступови
і техніці. Коли цілий світ уж має радийо, будеме мати і МЫ.
Запрашаме до слуханя першого лемківского радия!
ЛЕМ.fm высыламе з Руской Бурсы од 2011 рока.
Запрашаме до слуханя і спілтворіня ЛЕМ.fm
По двох роках діяльности, в радию маме більше як 1 500 авдиций
і праві вшыткы по лемківскы, на тему языка, культуры, істориі, політыкы, реліґіі, мистецтва. Маме тісячы годин доброй лемківской музыкы і не лем, соткы годин бесід з цикавыма людми і вельо вельо інчых.
Каждий може найти дашто для ся – сут історичны,
языкознавчы, церковны, музычны проґрамы, є публіцистыка,
сут бесіды, дискусиі, репортажы і вельо реляций
і трансмісий зо вшыткых важных, та і менше важных подій.
А слухати мож нас на вельо способів:
• одраз з порталю ЛЕМ.fm слухай нас
• в Winamp, Foobar2000 і інчых проґрамах до проєкциі музыкы. Старчыт стягнути стежку слухай нас і отворити єй в своім улюбленым проґрамі
• доступна є тіж аплікация на Твого андроіда слухай нас в телефоні